Jurnal jinoyatchilik, uning sabablari, qonuniyatlari va oqibatlarini o‘rganishga doir tadqiqot natijalarini e’lon qilish, shuningdek, huquqbuzarliklarning oldini olish va jamoat xavfsizligini ta’minlash choralarini ilmiy asoslash uchun ilmiy platforma bo‘lib xizmat qiladi.
Jurnalning maqsadi — kriminologiya fanini rivojlantirish, xalqaro ilmiy hamkorlikni mustahkamlash hamda jinoyat siyosati, jinoyatchilik profilaktikasi va jinoiy odil sudlov tizimini takomillashtirishga xizmat qiladigan bilimlarni tarqatish.
Nashrning ilmiy yo‘nalishlari nazariy va amaliy kriminologiya, viktimologiya, jinoyatchilikning oldini olish, jinoiy jazolarni ijro etish, probatsiya hamda jinoyat sodir etgan shaxslarni jamiyatga qayta integratsiya qilish masalalarini qamrab oladi. Korrupsiya, kiberjinoyatchilik, odam savdosi, uyushgan va transmilliy jinoyatchilikka qarshi kurashish masalalariga alohida o‘rin beriladi.
Jurnalda nazariy, empirik, sharh va qiyosiy-tahliliy materiallar taqdim etiladi. Asosiy mavzuviy bo‘limlar quyidagilardan iborat:
- Xalqaro huquq va ilg‘or xorijiy tajriba;
- Tahlil, tadqiqot va ilmiy-nazariy qarashlar;
- Barqaror rivojlanish va global muammolar.
O‘zbekiston va Markaziy Osiyodagi tadqiqotlarga, xalqaro tajribani o‘rganish hamda uni milliy huquqiy, ijtimoiy va institutsional sharoitlarni hisobga olgan holda qo‘llash imkoniyatlarini baholashga alohida e’tibor qaratiladi. Ilmiy natijalar bilan jinoyatchilikning oldini olishga qaratilgan amaliy choralar o‘rtasidagi bog‘liqlikni ochib beradigan ishlar ustuvor ahamiyatga ega.
Jurnal olimlar, o‘qituvchilar, doktorantlar, mustaqil tadqiqotchilar hamda kriminologiya, huquq va turdosh ijtimoiy fanlar sohasida faoliyat yurituvchi ilmiy muassasalar, universitetlar, huquqni muhofaza qiluvchi organlar va boshqa tashkilotlar mutaxassislariga mo‘ljallangan.
O‘zbekiston Respublikasi Oliy attestatsiya komissiyasi Rayosatining 2025-yil 13-iyundagi 371-son qarori bilan jurnal yuridik fanlar bo‘yicha dissertatsiya tadqiqotlarining asosiy ilmiy natijalarini e’lon qilish tavsiya etilgan ilmiy nashrlar ro‘yxatiga kiritilgan.
Jurnalning ilmiy mavzulari BMTning 16-Barqaror rivojlanish maqsadi — “Tinchlik, adolat va samarali institutlar” bilan bog‘liq bo‘lib, zo‘ravonlikning oldini olish, jinoyatchilik va korrupsiyaga qarshi kurashish, odil sudlovdan foydalanish imkoniyatini ta’minlash hamda samarali va hisobdor institutlarni rivojlantirish masalalarini qamrab oladi.
